الحدود الشخصية

يعني إيه حدود شخصية؟

الحدود الشخصية هي الحدود اللي بنحطها لحماية نفسنا من التلاعب بينا أو الاستغلال أو الانتهاك من الآخرين. 

وضع حدود شخصية يعني الحفاظ على سلامتك، وتحمل المسؤولية عن هَويتك، والتحكم في حياتك. 

الحدود زي جدار الخلية أو الجلد أو الجهاز المناعي للجسم. 

الحدود مَرنة ومش صلبة وجامدة. 

إيه اللي هيحصل لو مش بنأكد حدودنا؟

** مش هكون على حقيقتي: 

لما أكون على حقيقتي زي ما أنا بقدر أعبر عن أفكاري ومشاعري واحتياجاتي بسهولة وأعرف أحدد قيمي وأهدافي في الحياة. 
لما حدودي بتكون مخترقة بفقد نفسي الحقيقية مع الوقت ومش بقدر أعرف أنا مين وعاوز إيه وهحس بفراغ داخلي وممكن ساعتها أحاول أملا الفراغ ده بأي حاجة زي الأكل الكتير مثلا أو العلاقات الغير صحية أو المخدرات. 

** السعي لإرضاء الآخرين: 

لناس اللي مش بتعرف تقول لأ لحد على أي حاجة بيخافوا من الرفض أو الهجر أو التخلي. 
ممكن يكون عندهم إحساس بعدم القيمة أو ضعف الثقة بالنفس. 
شاغلين بالهم باللي الناس بتفكر بيه أو بتحس بيه. 
بيسعوا للحصول على القبول من الآخرين. 
وده بيعرضهم للدخول في علاقات غير صحية فيها طرف بيدي بس من غير ما ياخد. 
وبيهملوا احتياجاتهم الخاصة.
عندهم إحساس مفرط بالمسؤولية. وده بيسبب الإنهاك والإرهاق والاحتراق النفسي. وبيخليهم عُرضة للاستغلال. 

**امتصاص مشاعر الآخرين: 

في وجود حدود غير صحية بنلاقي نفسنا «سفنجة» تمتص مشاعر الآخرين. كأنك عايش في جو ملوث تتنفس كل السموم.. 
تلاقي نفسك شايل شيلة مش شيلتك ومتورط في مشاكل مش مشاكلك. لكن الصحي أن يتحمل كل شخص مسؤولية نفسه ومشاكله.. 
تقدم الدعم والتعاطف لكن الطرف الثاني مسؤول عن حل مشكلته بالنهاية

**العلاقات الاعتمادية والحميمية المغلوطة: 

في ناس بتفتكر إن القرب والحميمية في العلاقات معناها إني لازم أكون كتاب مفتوح وأذوب في الآخر وأتماهى معاه, لكن ده مفهوم مغلوط للحميمية . علاقة بلا حدود يعني كل طرف بيحاول اختراق حدود الآخر النفسية، فتذوب الشخصية المستقلة للطرفين. وفي يوم من الأيام ألاقي نفسي بقيت "مسخ". 

في العلاقات الاعتمادية كل شخص "بيستخدم" الآخر، بكل معنى الكلمة، بشكل غير واعي، للحصول على الإشباع الداخلي والإحساس بالقيمة, وكأن مافيش مصادر تانية غير العلاقة دي. 

وهنا تظهر كل أنواع الاستغلال والإساءات النفسية. «علاقة التهامية»

أنواع الحدود