اليقظة

اليقظة :هى الوعي الكامل والانتباه للحاضروالسماح لافكارك ومشاعرك إنها تيجي و تروح من غير التشبث بيها و الحكم عليها

 ممكن نقول كمان ان  
اليقظه هي حضورك الكامل بعقلك و بجسمك "هنا و دلوقتي". ممارسة اليقظة بتساعدنا على الهدوء و بتحسن من تركيزنا و إنتباهنا للتفاصيل. و ده بدوره بيساعدنا في التعامل مع الضغو ط بشكل أفضل و إتخاذ قرارات أحسن

لما تتعلم مهار ات اليقظة وتفهمهاممكن تعملهافي أي مكان وأي موقف.
 تمرين اليقظة اللي ح نتكلم عنه هو واحد من تمارين كتير جدا لليقظة.
يفضل عشان تقدر تفهم و تتعود على مهارات اليقظة إنك تتمرن عليهاكتيروبإنتظام 

محتاج إيه عشان أعمل التمرين؟ 

تمرين اليقظة اللي ح نتكلم عنه هو "اليقظة للاصوات"". 
ح تحتاج تقعد في مكان هادي لمدة خمس دقايق من غير ما حد يقاطعك. 
 ناس كتير بتفضل إن يكون في مرشد ليها في تمرينات اليقظة 
لو حاسس إن دي حاجة أنت تفضلها لكن مفيش حد يقدر يقوم بالدور ده، ممكن تعمل تسجيل بصوتك للخطوات 
. يفضل في التسجيل تتكلم ببطء و بصوت هادي ولطيف

• أقعد في وضع مريح ليك و أقدام رجلك على الارض، ممكن تقعد و ظهرك ساند على الحيط أو تنام. لو حيريحك إنك تغمض عينيك، اعمل كده. أبدأ ركز انتباهك على التنفس
• لاحظ دخول الهوا و خروجه
• لاحظ حركة صدرك و بطنك و هما بيتملوا بالهوا و بيفضوا منه. ماتحاولش تنظم نفسك أو تغيرفي سرعته. لاحظه زي ما هو
• ركز على السمع  
  • .ركز على الاصوات اللي أنت سامعها حواليك. لاحظها بس و خلي إنتباهك عليها
  • ركز أكتر على الاصوات الصغيرة اللي حواليك. صوت زنة اللمبة، صوت التكييف، صوت تكة الساعة، صوت أنفاسك و دقات قلبك
  • ركزأكتر على الاصوات . الاصوات القريبة والاصوات البعيدة. ركزأكتر على أعلى صوت وأهدى صوت أنت سامعه 
• أبدأ رجع إنتباهك تاني لجسمك ووضعك الحالي وافتح عينيك بهدوء
• لولاحظت إنك بتسرح عن السمع و إنتباهك بيروح لافكارك و يسرح فيها، رجع إنتباهك بالراحة للتمرين مرة تانية من غير ما تحاسب نفسك 

أشكال تانية من تمارين اليقظة