تمارين التنفس

هي تمارين بتتعمل عن طريق تنظيم التنفس بتاعنا مع محاولة توجيه إنتباهنا للتنفس. 
الهدف منها هو التهدئة و إعطاء شعور بالاسترخاء. الحقيقة، تمارين التنفس من مميزاتها إنها مش محتاجة منك أدوات خاصة و إنها مناسبة لكل الاعمار. المراهقين بالاخص بيستفيدوا منها في التعامل مع مشاعر القلق و إدارة الغضب و بتساعدنا نحكم على الامور بشكل أفضل و ناخد قرارات فعالة أكتر. 

محتاج إيه عشان أعمل التمرين؟

مش محتاج حاجة غيرمكان هادي و إن ماحدش يقاطعك لمدة دقيقة. 

المكان مش لازم يبقا في البيت، أي مكان ممكن يكون مناسب ما دام هادي. 

و عشان نستفيد أقصى استفادة من تمارين التنفس،محتاجين نمارس التمارين دي بانتظام عشان يقدر مخنا يستحضرها بشكل تلقائي في أوقات الازمات و الضغط

خطوات تمرين التنفس الاسترخاء

1. .أقعد في وضع مريح، ظهرك مفرود و أقدام رجلك على الارض. 
2. .غمض عينك
3. ببطء، خد نفس عميق من مناخيرك. و أنت بتاخد النفس حاول تركز إنتباهك و 
4. تلاحظ الهوا و هو بيملى رئتك و صدرك. لاحظ دخول الهوا لبطنك.
5. لما تحس إن رئتك إتملت، إكتم نفسك و احتفظ بالنفس جواهم.
6. ركز انتباهك على الاحساس اللي في رئتك و هي مليانة بالهوا. 
7. .ببطء، خرج النفس من بقك. و أنت بتخرج النفس لاحظ رئتك و هي بتفضا من الهوا و ركز انتباهك عليها.
8. كرر الخطوات اللي فاتت مرتين كمان.