فرط الحركة ونقص الانتباه
أعراض فرط الحركة والاندفاعية
- بيتحرك وبيفرك كتير تقريب مش بيقعد
- بيتكلم كتير مش بيفصل ودايما يقاطع
- بيمل بسرعه وعلى طول زهقان
- مندفع في تصرفاته وقد يصل لإيذاء النفس والغير
- عنيف وقد يصل لإيذاء الغير
- سريع الغضب ونوبات غضب متكررة
- صعب السيطرة عليه
مع/ أو
- أعراض نقص وتشتت الانتباه
- بينسى كتير
- مش بيقدر يركز في حاجه واحده فترة طويلة
- بيفقد انتباهه وتركيزه مع أقل مؤثر
- مش منظم ودايما بيتهم بالاهمال
- مش بيقدر ينهي مهمه مطلوبه منه سواء واجبات مدرسية او منزليه
- مش صبور انه يتعلم لأنه مش بيركز?
وده بيخلينا ع طول نروح للإضطرابات النفسية الي ممكن تصاحب الطفل
زي صعوبات التعلم، الاكتئاب والقلق ، ضعف الثقه بالنفس والخوف من العلاقات الاجتماعية
الطفل ده دايما بينتقد انه مهمل مش بيقدر يخلص واجباته مش بيركز في الحصص وبيكره المدرسه وبيهمل دروسه أكتر وندخل في حلقة مش بتنتهي
للأسف الطفل بيكون عرضه للتنمر من زملائه والي حواليه وده بيضعف ثقته بنفسه ويخليه اكتر عرضه للإنطواء والعزلة والخوف من الناس
أكيد كلنا بنسأل دلوقتي ده سببه ايه ؟؟
الحقيقه من ٧٠_٨٠ ٪ من الحالات بيكون فيه عوامل وراثيه
لكن فيه اسباب تانيه ..
- أسباب عضوية
- نقص او تأخر في نمو الجزء الأمامي من القشرة المخية
- اضطرابات قي كيميائيات المخ
- خاصة التناغم بين الدوبامين والنورأدرينالين
- المشاكل الأسرية والاجتماعية
- التعرض للحرمان البيئي والعاطفي
- التعرض للعنف او الإيذاء النفسي أو الجسدي أو الجنسي
- العادات الغذائية الخاطئه والأكل السريع والمشروبات الغازية
- التليفزيون والانترنت واجهزة التواصل وبرامج المشاهده والعاب الفيديو
- خاصة المحتويات العنيفه والغير مناسبة لسن الطفل
هل فيه علاج ؟؟
أولا فيه حالات كتير الاعراض بتهدى معاها في دخول فترة المراهقة لكن طبعا التدخل الطبي المبكر أفضل ونتفادى اي مضاعفات نفسية تانيه
ثانيا علاجنا مكون من اجزاء كتير
التوعية في المدرسة والنادي والمجتمع لمراعاة الاطفال الي عندهم الاضطراب كيفيه التعامل معاهم
برنامج تدريب الوالدين على كيفيه التعامل ودعم الطفل :
- التوقف عن اللوم والنقد وتوجيه الاتهامات
ابني بحبه وبتقبله في كل حالاته .. هو اضطراب يعني تعب يعني محتاج مني اساعده وادعمه - احمي طفلي من المخاطر ابعده عن اي شيء ممكن يتخبط فيه او اي الات حاده ممكن تكون جنبه
- التوقف عن العقاب الجسدي و الايذاء النفسي
- تقسيم المهام على الطفل لمهمات أصغر وأسهل
- التشجيع ونظام المكافئه الايجابية لانهاء المهام
- تقليل أي حاجه ممكن تشتت الطفل زي الأصوات العالية والألوان والصو الكتير والألعاب الكتير في وقت واحد
- نخصص وقت للطفل يوميا للعب والحمايات والاهتمام والتعبير بحرية
- نحاول ننظم وقت الطفل ونقلل أوقات التلفزيون والالانترنت والبرامج والعاب الفيديو
- نهتم بالرياضة والغذاء الصحي
ثالثا جلسات العلاج السلوكي والمتاحة في كل مستشفياتنا بوحدات الاطفال والمراهقين مع الأطباء والمتخصصين واللي بيتدرب فيها الطفل من خلال ألعاب وتدريبات للتحكم في حركته وزيادة تركيزه وتقليل اندفاعه
رابعا وهو العلاج الدوائي ... الآمن جدا باذن الله تحت الاشراف الطبي