الفصام
الفصام هو اضطراب بيحس فيه الشخص إن اللي بيمر بيه غير متوافق مع الواقع زي ما بيشوفه الآخرون.
والعرض الأساسي في الفصام اسمه الذهان: على سبيل المثال, إنك تشوف أو تسمع أو تصدق حاجات غير صحيحة بالنسبة للآخرين. ممكن كمان تحس بالتشوش أو الانهيار أو إنك تنعزل.
الفصام مرض خطير ولكن يمكن علاجه. بيظهر عادةً بين سن 15 و 35 عامًا. السبب غير معروف ، ولكن في عوامل بتزود احتمالية الإصابة بيه زي لو كان أحد الوالدين مصابًا به ، أو مشكلات تعاطي المخدرات والكحوليات.
الإصابة بالفصام مش معناه إن عندك شخصيتين زي ما هو شائع.
من الأعراض الشائعة لاضطراب الفصام:
- الهلاوس: يعني إنك تشوف أو تحس أو تشم أو تسمع حاجات غير موجودة.
- الضلالات أو الأوهام : إنك تؤمن بحاجات غير واقعية للآخرين، على سبيل المثال ضلالات الشك أو الارتياب وأن في مؤامرة ضدك أو الشعور بأن في حد بيراقبك أو أن حياتك في خطر.
- تفكير مشوش وصعوبة في التركيز.
- الشعور بأن في شيء ما خارج نفسك بيتحكم فيك وفي تصرفاتك.
- عدم القيام بالأنشطة العادية زي الاستحمام أو ارتداء الملابس النظيفة أو مقابلة الأصدقاء.
إزاي الفصام بيتعالج؟
العلاج الدوائي: ودي أدوية اسمها مضادات الذهان واللي بيوصفها الطبيب النفسي.
العلاج المعرفي السلوكي للذهان: وده نوع من العلاج بالكلام بيساعد في مراجعة الأفكار والمعتقدات والمشاعر والسلوكيات.
مجموعات الدعم والتثقيف النفسي بخصوص أعراض الاضطراب وإزاي نتعامل معاه.